Konfrans Liqasının 2-ci təsnifat mərhələsinin ilk oyunlarından sonra UEFA-nın əmsallar cədvəlində dəyişiklik olub.

Futbolmedia.az xəbər verir ki, "Neftçi"nin "Jelezniçar"la (Bosniya və Herseqovina) heç-heçə etməsi (2:2) Azərbaycanın UEFA reytinqində xal ehtiyatını artırıb.

Səfərdə qeydə alınan bərabərlik Azərbaycanın aktivinə 0,125 xal yazdırıb. Ölkəmiz 15,125 xalla əvvəlki kimi 29-cu pillədə qərarlaşıb.

28-ci sırada yer alan Slovakiyanın 16,125 xalı var. Moldova isə 12,125 xalla 30-cu sıradadır.

“Qəbələ” isə ötən gün öz meydanında “Omoniya”ya (Kipr) uduzduğundan (2:3) Azərbaycanın aktivinə xal qazandıra bilməyib.

Qeyd edək ki. reytinq siyahısına 86,928 xalla İngiltərə başçılıq edir.