“Araz-Naxçıvan” növbəti oyunçu keçidini həll edib.

Futbolmedia.az klubun mətbuat xidmətinə istinadən xəbər verir ki, bu gün bosniya və herseqovinalı sol cinah yarımmüdafiəçisi Miço Kuzmanoviçlə 1 illik müqavilə imzalanıb.

27 yaşlı yarımmüdafiəçi karyerası ərzində vətənində “Modriça Maxima”, “Zvijezda”, “Banja Luka”, “Drina Zvornik”, “Mladost Kakanj”, “Sarayevo” klublarının formasını geyinib. O, legioner kimi müxtəlif illərdə Serbiyanın “Yaqodina”, Belçikanın “Mouscron”, Sloveniyanın “Rudar Velenje” və “Celje” klublarının heyətində çıxış edib.

Xatırladaq ki, "Araz Naxçıvan" bundan əvvəl Vanderson Kavalkante Melo, Nuno Miguel Rodrigues, Semir Bukviç, Turan Manafov, Nihat Qurbanlı, Nicat Süleymanov, Elçin Mustafayev və Abdulla Rzayevi heyətinə qatıb.