Çempionlar Liqasında matçında qalmaqal yaşanıb.

Futbolmedia.az xəbər verir ki, hadisə iyulun 11-də birinci təsnifat mərhələsinin “Hamrun Spartans” (Malta) - “Makkabi” (Hayfa, İsrail) görüşündə baş verib. Matçın gedişatında hər iki komandanın azarkeşləri arasında toqquşma olub.

Artıq hadisə ilə əlaqədar UEFA intizam işi açıb. Ta-Kali şəhərində keçirilən oyun qonaqların 4:0 hesablı qələbəsi ilə başa çatıb. Tribunada baş verən hadisələrə görə oyuna 30 dəqiqə fasilə verilib.

Məlumata görə, hər iki klubun azarkeşləri iğtişaş törətməkdə və bir-birilərinə yaş əşya atmaqda ittiham olunurlar. İsrail komandasının fanatlarının pirotexniki vasitələrdən istifadə etdiyi və stadiona maddi ziyan vurduğu da bildirilir.

UEFA bəyan edib ki, təşkilat məsələ ilə əlaqədar cəza qərarı çıxaracaq.