"Real" Türkiyə millisinin və "Fənərbaxça"nın futbolçusu Arda Gülerlə müqavilə imzalayıb.

Futbolmedia.az xəbər verir ki, bu barədə Madrid klubunun mətbuat xidməti məlumat yayıb. 18 yaşlı yarımmüdafiəçinin sözləşməsi 6 illik nəzərdə tutulub. O, yeni komandasında 24 nömrəli formanı geyinəcək.

“Fənərbaxça”bu transferdən 20 milyon avro qazanacaq. Üstəlik, 10 milyon bonus da İstanbul təmsilçisinin hesabına köçürüləcək.

Qeyd edək ki, Arda Gülər ​​“Gənclərbirliyi”nin yetirməsidir. O, 2014-2019-cu illərdə bu klubun akademiyasında olub, daha sonra “Fənərbaxça”da çıxış edib. Arda əsas komandanın heyətində 51 matçda 9 qol vurub, 12 qolun ötürməsini verib. O, Türkiyə millisində də 4 oyunda iştirak edib.