"Sevilya"nın baş məşqçisi Xose Luis Mendilibar Avropa Liqasını qazanan ən yaşlı məşqçi olub.

Mayın 31-də onun komandası finalda “Roma”ya qalib gəlib (1:1, penaltilər seriyasında - 4:1). Romalılara qarşı finalda Mendilibar 62 yaş 78 günlük olub. Bu isə rekord göstəricidir.

Əvvəlki rekordçu 60 yaş 139 gündə 2019-cu ildə "Çelsi" ilə Avropa Liqasının qalibi olan Mauritsio Sarri idi. Bu mükafatı Sarri Bakıda “Arsenal”a qarşı həlledici matçda qazanmışdı. Həmin görüş 4:1 hesabı ilə “Çelsi”nin xeyrinə başa çatmışdı.

Xatırladaq ki, “Sevilya” tarixində yeddinci dəfə Avropa Liqasının qalibi olub. Bu turniri ən çox qazanan da məhz onlardır.