“Borussiya”nın müdafiəçisi Mats Hummels karyerasını Dortmund klubunda davam etdirəcək.

Futbolmedia.az xəbər verir ki, bu barədə klubun mətbuat xidməti açıqlama yayıb.

34 yaşlı almaniyalı futbolçu müqaviləsinin müddətini növbəti mövsümün sonuna kimi artırmağa razılıq verib.

Mats bu həftəsonu 2019-cu ildən bəri ilk Bundesliqa çempionluğunu qazana bilər. Dortmund “Borussiya”sı evdə “Maynts”a qalib gəlsə, qızıl medala sahib çıxacaq. Son tur ərəfəsində “Bayern” “Borussiya”dan 2 xal geri qalır.