“Neftçi”nin Avropa Liqasının 3-cü təsnifat mərhələsində HİK-lə (Finlandiya) keçirəcəyi oyunun hakimləri müəyyənləşib.

Futbolmedia.az UEFA-nın saytına istinadən xəbər verir ki, avqustun 3-də “Bakcell Arena”da oynanılacaq görüşü şotlandiyalı referi Uilyam Kollam idarə edəcək.

Ona yan xətdə həmyerliləri Devid Makgiçi və Şon Karr köməklik göstərəcək. Dördüncü hakim funksiyasını isə Yuan Anderson yerinə yetirəcək.

Qeyd edək ki, görüş saat 21:00-da başlayacaq.