”Napoli”nin baş məşqçisi Luçano Spalletti İtaliya A Seriyasının 33-cü turunun “Udineze” ilə matçından sonra (1:1) açıqlama verib.

Futbolmedia.az “Football Italia”-ya istinadən xəbər verir ki, o, qarşıda görüləsi işlərin çox olduğunu söyləyib:

“Mənim kimi çox çalışmağa öyrəşən insanların oxşar cəhəti var: biz qələbələrdən tam həzz almaq üçün mübarizə aparırıq. Görüləsi işlər çoxdur, sevinc isə keçicidir.

“Napoli” azarkeşlərinin gülümsədiyini və sevindiyini görmək mənim üçün ən böyük xoşbəxtlikdir. Onlar bunu bizə də ötürürlər. Burada insanlar həyatlarında çətin anlar yaşayırlar. Onlar bütün xoşbəxtliklərə layiqdirlər.

Bəlkə, indi özümü rahat hiss edirəm. Səbəb çempionluq sevincini onlara yaşatmağımızla bağlıdır. Neapol azarkeşləri bu klubda böyük məşqçilərin gəlib-getməsinə şahidlik ediblər. Onlar Dieqo Maradonanın oyununu izləyiblər. Bəlkə də, qazandığımız uğurda onun da payı var.