"Tottenhem"in futbolçusu Harri Keyn yeni uğura imza atıb.

Futbolmedia.az xəbər verir ki, ingilis hücumçu buna İngiltərə Premyer Liqasının 34 turunda “Liverpul”a 3:4 hesabı ilə məğlub olduqları oyunda qol vurmaqla nail olub.

Keyn bu mövsüm çempionatdakı qollarının sayını 25-ə çatdırıb.

Bununla da o, Premyer Liqanın 4 müxtəlif mövsümündə 25 və daha çox qol vuran Alan Şirerin rekordunu təkrarlayıb. 30 yaşlı forvard 2015-16 (25 qol), 2016-17 (29) və 2017-18 (30) mövsümlərində də bunu bacarıb.

Qeyd edək ki, Keyn bu mövsüm “Tottenhem”in heyətində bütün turnirlərdə keçirdiyi 45 oyunda 27 qol vurub.