Misli Premyer Liqasının 33-cü turunda keçiriləcək "Qarabağ" - "Qəbələ" oyununun vaxtı dəyişdirilib.

Futbolmedia.az PFL-in saytına istinadən xəbər verir ki, görüş əvvəldən nəzərdə tutulduğu tarixdə - mayın 6-da keçirməyəcək.

Buna səbəb 32-ci turun “Neftçi” – “Qarabağ” görüşünün aprelin 30-dan mayın 2-nə təxirə salınmasıdır. Ona görə də "Qarabağ"ın bir tur sonra “Qəbələ” ilə ev qarşılaşmasının mayın 8-də oynanılması qərara alınıb.

Qeyd edək ki, “Azersun Arena”da baş tutacaq “Qarabağ” - “Qəbələ” oyunu saat 20:00-da start götürəcək.