"Roma"nın baş məşqçisi Joze Mourinyo "Feyenoord"a uduzduqları (0:1) Avropa Liqasının 1/4 finalının ilk matçını şərh edib.

Futbolmedia.az saytı "Football İtalia"ya istinadən xəbər verir ki, mütəxəssis deyib: “Bizim Haalandımız yoxdur. Biz özümüz kimiyik. Hər zaman əlimizdən gələnin ən yaxşısını etməyə çalışırıq.

Futbolçular hər şeyi ləyaqətlə etdilər. Şansımız oldu, lakin yararlana bilmədik və biz uduzduq".

Qeyd edək ki, sözügedən matçda "Roma” qapıya 17 zərbə vursa da, onlardan yalnız 2-si çərçivəyə gedib. Bu zərbələr isə qlla nəticələnməyib. Həmçinin "Roma"nın yarımmüdafiəçisi Lorenzo Pelleqrini penaltini dəqiq yerinə yetirə bilməyib. Bu komandalar arasında cavab görüşü aprelin 20-də İtaliyada olacaq.