"Təəssüf ki, azarkeşləri sevindirə bilmədik. Allah qoysa, gələn oyunda sevindirərik. "Neftçi" çempionatdakı bəlkə də, ən yaxşı oyununu oynadı. İlk dəqiqələrdən yüksək tempi gözləyirdik. Amma bu dərəcədə olacağını, onlarda hər şeyin alınacağını ehtimal etmirdik".

Futbolmedia.az xəbər verir ki, bu sözləri "Turan Tovuz"un baş məşqçisi Ayxan Abbasov Futbolmedia.az saytına açıqlamasında deyib.

O, belə məğlubiyyətin üzücü olduğunu bildirib: "Onların necə hücum quracağına hazırlaşmışdıq. Amma yenə də rəqibin hücumçları qollarla nəticələndi. İkinci hissədə nəyisə dəyişməyi istədik. Bilirdik ki, rəqib bizi əks-hücumlarda tutacaq. Üzücü məğlubiyyət oldu. Amma bu oyunlar bizim üçün vacibdir. Kubokda da onlarla qarşılaşacağıq. Futbolçularımızın bu cür rəqiblərə qarşı, bu cür tempdə mübarizə aparıb, inkişaf etməsi vacibdir. Gələn oyuna hazırlaşacağıq".

"A.Abbasov bu matçın oyundan öncə psixoloji cəhətdən komandaya pis təsir etməyəcəyini düşünür: ". Bu oyunda “Neftçi”ni tam tanımaq üçün bəzi sınaqları keçirdik. Qışdan sonra “Neftçi”də yaxşı mənada dəyişikliklər var. Gələn futbolçular komandaya güc qatıblar. Bizə də maraqlı idi. Neçə oyundur onları analiz edirik, fərq hiss olunurdu. Bizim üçün kiçik imtahan oldu. Kubok oyununa daha yaxşı hazırlaşmalıyıq. Futbolçuların yaxşı formada olması önəmlidir. İlk oyun Tovuzdadır, üstünlüyümüz olacaq. Təki futbolçularımız sağlam olsun".