AFFA-nın növbəti Hesabat Konfransının vaxtı müəyyənləşib.

Futbolmedia.az qurumun saytına istinadən xəbər verir ki, konfrans martın 7-də olacaq.

Bildirilir ki, konfransdan dərhal sonra İcraiyyə Komitəsinin iclası keçiriləcək. Tədbir saat 10:00-da start götürəcək.

Prezident tərəfindən iclasın açılışı, Konfransın tərkibinin yoxlanılması, İcraiyyə Komitəsinin prezident tərəfindən təqdim olunmuş fəaliyyəti haqqında hesabatının təsdiq edilməsi, maliyyə hesabatlarının təsdiqi, müstəqil auditorun hesabatını nəzərə almaq, hər hansı vakant vəzifəyə seçkilər, AFFA üzvlərinin təkliflərinin qəbul olunması və digər məsələlər gündəyilə daxil edilib.