"Hatayspor"un futbolçusu Kristian Atsu Hataydakı zəlzələdə vəfat edib.

Futbolmedia.az "CNN Türk"ə istinadən xəbər verir ki, bu barədə qanalı oyunçunun agenti Murat Uzunmehmet məlumat verib: "Onun cansız bədəni dağıntılar altından çıxarıldı".

Qeyd edək ki, K.Atsu karyerası ərzində "Çelsi", "Everton", "Nyukasl", "Portu", "Malaqa", "Bornmut" kimi komandaların formasını da geyinmişdi.

Xatırladaq ki, fevralın 6-ı Türkiyənin bir neçə şəhərində güclü zəlzələ baş vermişdi. Atsu həmin vaxtdan dağıntılar altında qalmışdı və onun axtarışları gedirdi.