PSJ-nin futbolçusu Lionel Messi Çempionlar Liqasının 1/8 final mərhələsində “Bavariya”ya qarşı ilk oyunda meydana çıxa biləcək.

Futbolmedia.az xəbər verir ki, bu barədə komandanın baş məşqçisi Kristof Qaltye öz açıqlamasnda bildirib. O, 35 yaşlı hücumçunun oyunda iştirak edəcəyini deyib.

Messi bir neçə gündür ki, əzələ yorğunluğundan əziyyət çəkir. O, Liqa 1-in 23-cü turunda “Monako”ya qarşı bu gün keçiriləcək matçı buraxacaq. Lakin Messi "Bavariya" ilə oyunadək hazır olacaq.

Qeyd edək ki, PSJ ilə "Bavariya" arasındakı ilk oyun fevralın 14-də, cavab matçı isə martın 8-də olacaq.