"Çelsi"nin futbolçusu Pyer-Emerik Obameyanq tezliklə London klubunu tərk edə bilər.

Futbolmedia.az jurnalist Fabrizio Romanonun sosial şəbəkə səhifəsinə istinadən xəbər verir ki, qabonlu hücumçu təkcə "Barselona"ya transfer edilə bilər. Çünki FİFA qaydalarına görə, o, bu mövsüm yalnız iki klubda oynaya bilər - "Çelsi" və "Barselona".

Kataloniya təmsilçisi 33 yaşlı oyunçunun yenidən kluba qayıtmasının əleyhinə deyil. Bununla belə, keçidin reallaşması üçün bir neçə şərt var. Əvvəlcə klub niderlandlı hücumçu Memfis Depayla yolları ayırmalıdır. Bundan başqa, "Barselona" Obameyanqın transferinə görə heç bir ödəniş etməməlidir. Futbolçu maaşının əhəmiyyətli dərəcədə azaldılmasına razı olmalıdır.

Obameyanq bu mövsüm bütün turnirlərdə 15 oyuna çıxıb, 3 qol vurub və 1 qolun ötürməsini verib.

Qeyd edək ki, hücumçu 2022-ci ilin sentyabrında "Barselona"dan "Çelsi"yə transfer olunub.