İspaniya millisinin sabiq üzvü Andres İnyesta komandanın DÇ-2022-dəki çıxışı haqda danışıb.

Futbolmedia.az xəbər verir ki, o, "Marca"ya müsahibəsində "Luis Enrikenin komandasından daha çox şey gözləyirdinizmi" sualını belə cavablandırı

“Gözlənilən sözünün düz olduğuna əmin deyiləm, amma futbolçulara və məşqçiyə inamım olduğu üçün komandanın uzağa gedəcəyini zənn edirdim. Lakin bu dünya çempionatıdır. Əgər sizin gününüz deyilsə, deməli pley-offdan kənardasınız. Hər matç çətin olur, amma təbii ki, daha çox uğur görmək istərdik. Bu nəticə bizim üçün bundan sonra faydalı olacaq.

2010-cu il dünya çempionatından sonra yolumuz çətin oldu. Braziliyada qrupdan çıxa bilmədik, Rusiyada 1/8 finalda mübarizədən kənarlaşdırıldıq”.

Xatırladaq ki, İspaniya 1/8 finala Mərakeşə penaltilər seriyasında uduzub. Komanda turnirlə vidalaşdıqdan sonra baş məşqçi Luis Enrike istefaya göndərilib.