DÇ-2022-nin gümüş mükafatçısı Fransa millisində mundial zamanı ab-hava yaxşı olmayıb.

Futbolmedia.az xəbər verir ki, bu barədə L'Equipe qəzeti məlumat yayıb. Hər şeyin Benjamin Pavarddan qaynaqlandığı bildirilib.

İddiaya görə, "Bavariya"nın müdafiəçisi millidəki komanda yoldaşlarının arxasınca sözlər danışıb. O, tez-tez texniki heyət və komanda yoldaşları ilə mübahisə edib.

Ən pisi isə odur ki, Pavard komanda daxilində yaşananları yaxın münasibətdə olduğu media mənsublarına sızdırıb. Buna görə də baş məşqçi Didye Deşam Pavardı elə çempionatın əvvəllərindən Jül Kunde ilə əvəzləyib.

Xatırladaq ki, Fransa millisi DÇ-2022-nin finalında Argentinya penaltilər seriyasında uduzub.