Almaniyanın Qərb Regional Liqasında 19-cu turun oyunları keçirilib.

Futbolmedia.az xəbər verir ki, Azərbaycan yığmasının hücumçusu Rüfət Dadaşovun çıxış etdiyi “Şalke”nin ikinci komandası doğma meydanda “Köln”lə qarşılaşıb və 5:0 hesabı ilə qalib gəlib.

Rüfət də bu oyunun iştirakçısı olub. O, start heyətdə meydana çıxıb və sonadək oynayıb. Komandasının ilk qolunu da Dadaşov vurub. O, 29-cu dəqiqədə hesabı açmaqla bu mövsüm vurduğu qolların sayını 7-yə çatdırıb.

Qeyd edək ki, “Şalke”nin ikinci komandası 19 turdan sonra 30 xalla 18 kollektiv arasında 5-cidir.