"Əl-Hilal" Futbol Klubu (Səudiyyə Ərəbistanı) portuqaliyalı hücumçu Kriştiano Ronaldonu transfer etmək uğrunda ölkənin digər klubu "Əl-Nəssr"lə mübarizə aparacaq.

Futbolmedia.az xəbər verir ki, bu barədə məşhur insayder Fabrizio Romano bildirib.

"Əl-Nəssr"dən başqa bir klub da Kriştiano Ronaldonu transfer etmək istəyir. Bu, “Əl-Hilal”dır. Klub nümayəndələri artıq 37 yaşlı hücumçu ilə əlaqə saxlayıblar. Onlar oyunçuya fantastik məbləğdə maaş təklif etməyə hazırdırlar. Bununla belə, bir maraqlı məqam var. Qeyd olunur ki, “Əl-Hilal” bu qış transfer pəncərəsində futbolçu transfer edə bilməyəcək. Klub yalnız növbəti yay transfer pəncərəsində oyunçu ala bilər. Buna görə də, hazırda danışıqlar mürəkkəbdir.

Daha əvvəl məlum olmuşdu ki, "Əl-Nəssr" Ronaldoya reklam gəlirləri nəzərə alınmaqla, illik təxminən 200 milyon avro maaşla 2,5 illik müqavilə təklif edib. Həmçinin bildirir ki, "Əl-Nəssr" "Əl-Hilal"ı məğlub etmək üçün Ronaldonu qış transfer pəncərəsində transfer etməyə çalışır. Ronaldo da tezliklə yeni bir klubu ilə müqavilə imzalamaq istəyir.

Xatırladaq ki, Ronaldo son klubu "Mançester Yunayted"dən noyabrın 22-də ayrılıb. O, hazırda azad agent statusu daşıyır.