“Sabah”ın futbolçusu Davit Volkov Azərbaycan çempionatlarında 100-cü oyununu keçirib.

Futbolmedia.az PFL-in saytına istinadən xəbər verir ki, gürcüstanlı hücumçunun yubileyi Misli Premyer Liqasının 15-ci turuna təsadüf edib.

“Turan Tovuz”la səfər görüşündə (1:0) sonradan meydana çıxan legioner 100-cü qarşılaşmasını keçirib. Onun hesabında 30 qol var.

Volkov Premyer Liqada 2019-cu ilin əvvəlində debüt edib. O, “Qəbələ”də 27 (7 qol), “Zirə”də 58 (20 qol) və “Sabah”da 15 (3 qol) oyun keçirib.