"Mançester Yunayted"in futbolçusu Kriştiano Ronaldo komandanın baş məşqçisi Erik ten Haq haqqında danışıb.

Futbolmedia.az "The Sun"a istinadən xəbər verir ki, 37 yaşlı hücumçu mütəxəssisə hörmət etmədiyini deyib:

“Mən Ten Haqa hörmət etmirəm. Çünki o da mənə hörmət etmir. Əgər sən mənə hörmət etməsən, mən də sənə heç vaxt hörmət etməyəcəyəm”.

Qeyd edək ki, Erik ten Haq bu yaydan etibarən "qırmızı şeytanlar"ı çalışdırır. Ronaldo isə ötən ilin yayından "Mançester Yunayted"də oynayır.

Xatırladaq ki, Ronaldo Premyer Liqanın 12-ci turunda "Tottenhem"lə matçda meydana çıxmaqdan imtina edib. Klub 37 yaşlı futbolçu iki həftəlik əmək haqqı məbləğində cərimələyib. Bu, 887 min avro deməkdir. Həmçinin oktyabrın 20-də Ronaldo heyətdən kənarlaşdırılıb. Lakin bir neçə gün sonra o, yenidən komanda ilə məşqlərə qatılıb. Bu hadisələrdən sonra tərəflər arasındakı münasibətin yaxşı olmadığı bildirilir.