“Beşiktaş”ın məşqçiləri ingilis yarımmüdafiəçi Dele Allinin fiziki formasından narazıdır.

Futbolmedia.az Türkiyə mətbuatına istinadən xəbər verir ki, məşqçilər korpusu artıq yarımmüdafiəçinin xidmətində maraqlı deyil və ondan qurtulmağı planlaşdırır.

26 yaşlı yarımmüdafiəçi 2022-ci ilin yayından “Beşiktaş”da icarə əsasında çıxış edir. Futbolçu Türkiyə klubuna “Everton”dan keçib.

Alli bu mövsüm “qara-qartallar”ın heyətində 9 oyuna çıxıb və 1 qol vurub.

“Beşiktaş” 13 turdan sonra Türkiyə çempionatında altıncı yerdədr.