"Meltwater Champions Chess Tour" seriyasının səkkizinci mərhələsi olan “Aimchess Rapid” turniri davam edir.

Futbolmedia.az xəbər verir ki, Azərbaycan şahmatçısı Şəhriyar Məmmədyarov yarışda ilk final görüşünü keçirib. O, polşalı Yan Kşiştof-Duda ilə qarşılaşıb . Görüş dörd partiya davam edib. Qarşılaşma Polşa təmsilçisinin qələbəsi ilə başa çatıb - 3:1.

İkinci final görüşü isə oktyabrın 21-də olacaq.

Qeyd edək ki, Şəhriyar Məmmədyarov yarımfinalda Rumıniyanı təmsil edən Riçard Rapporta qalib gəlib.

Xatırladaq ki, turnirin ümumi mükafat fondu 150 min dollardır.