"Turan Tovuz"un baş məşqçisi Ayxan Abbasov Misli Premyer Liqasının 10-cu turunda "Səbail"lə 2:2 hesablı heç-heçə etdikləri ev oyunu barədə danışıb.

Futbolmedia.az xəbər verir ki, o, oyundan sonra təşkil olunan mətbuat konfransında deyib:

"Oyunu iki hissəyə bölərdim. İlk yarıda daha yaxşı oynadıq. Vaxt lazımdır. Səhvlərimizin üzərində işləyəcəyik. Bugün qalib gəlsəydik, rəqibdən 6 xal aralanacaqdıq. Çalışırıq ki, yaxşı nəticələr qazanaq. Çempionat başlayandan gücümüzü göstərməyə çalışmışıq. Yeni komandayıq. Mübarizə davam edir. Premyer Liqa ilə birinci dəstə arasında böyük fərq var. Bizimlə bir neçə şirkət, müəssisə görüşmək istəyir. Vaxt olduqca onlarla görüşməyə çalışırıq".