"Qarabağ"ın hücumçusu Ramil Şeydayev Avropa Liqasının qrup mərhələsində sabah "Oilimpiakos"la keçiriləcək oyun haqda fikirlərini bildirib.

Futbolmedia.az xəbər verir ki, o, görüş üçün təşkil edilən mətbuat konfransında deyib ki, Yunanıstan klubu ilə oyun çətin olacaq:

"Nəticənin bizim xeyrimizə olacağına ümid edirəm. Rəqib revanş almaq istəyir. Bu səbəbdən çətin olacaq. Bütün azarkeşləri tirubunada gözləyirik".

Şeydayev “Olimpiakos”la Yunanıstandakı görüşdə vurduğu qolu çılğın şəkildə qeyd etməsinə və bunun yerli azarkeşlər tərəfindən narazılıqla qarşılanmasına da münasibət bildirib: "Mən sadəcə, sevindim. Deməzdim ki, emosiya partlayışı idi. Bilərəkdən etməmişdim. Adi qol sevinci idi" .

Qeyd edək ki, sabah Tofiq Bəhramov adına Respublika stadionunda keçiriləcək görüş saat 20:45-də başlayacaq.