"Everton" azarkeşlərinin davranışına görə 300 min sterlinq cərimələnib.

Futbolmedia.az xəbər verir ki, bu barədə BBC məlumat yayıb.

Ötən mövsümün sonunda mayın 19-da "Kristal Pelas"la görüşdə ev sahibi komandanın fanatları insident yaradıblar. "Everton" rəqibinə qalib gəlməklə (3:2) Premyer Liqadakı yerini qoruyub-saxlayıb. Buna görə də fanatlar final fitinin ardından qələbəni qeyd etmək üçün çoxlu sayda meydana axışıblar.

İngiltərə Futbol Assosiasiyası bildirib ki, azarkeşlər meydançaya çıxarkən “təhdidedici və aqressiv” hərəkət ediblər. “Everton” isə azarkeşlərə nəzarət edə bilmədiklərini etiraf edib.