"Bavariya" baş məşqçisi Yulian Naqelsmannı istefaya göndərmək niyyətində deyil.

Futbolmedia.az xəbər verir ki, bu barədə "Sky Spots" məlumat yayıb.

Klub rəhbərləri 4 oyunluq qalibiyyətsizlikdən sonra Bundesliqada Naqlesmannın vəziyyəti dəyişməsini gözləyir. Bundan əlavə, "Bavariya" rəhbərliyi Nagelsmannın komandanı idarə etmə tərzində düzəlişlər etməsini və indiki kimi böhran vəziyyətlərində onun daha yaxşı davranmağı öyrənməsini istəyir. Daha əvvəl "Bavariya"nın futbolçularının və rəhbərliyinin 35 yaşlı mütəxəssisin hərəkətlərindən narazı qaldığı bildirilmişdi.

Qeyd olunur ki, məşqçinin əsas heyətə düşməyən futbolçularla yaxşı ünsiyyət qurması, jurnalistlərlə də münasibət tərzini dəyişməsi gözlənilir. Buna baxmayaraq, “Bavariya” rəhbərliyi hələ də məşqçini dəstəkləyir.

Xatırladaq ki, "Bavariya" Naqelsmannın baş məşqiliyi altında Bundesliqanın son 4 görüşündə qələbə qazana bilməyib. Münhen klubu 3 oyunda heç-heçə edib, 1 matçda uduzub. Komanda hazırda turnir cədvəlində 12 xalla 5-cidir. Naqelsmann 2021-ci ildən bu "Bavariya"nı çalışdırır.