“Qarabağ”ın kapitanı Maksim Medvedevin zədəsi ciddidir.

Futbolmedia.az xəbər verir ki, bunu komandanın baş məşqçisi Qurban Qurbanov bildirib.

O, "Sabah"la bugünkü oyundan (4:3) sonra "CBC Sport"a açıqlamasında deyib ki, Medvedev Avropa Liqasının qrup mərhələsinin“Frayburq”la Almaniyadakı oyunundan (1:2) əvvəl məşqdə xəsarət alıb.

Q.Qurbanov təcrübəli müdafiəçinin bir ay məşqlərdən kənarda qalacağını qeyd edib. Onun rəsmi oyunlara nə vaxt çıxacağı isə bərpa prosesindən asılı olacaq.