"Yuventus" futbolçusu Moyze Kini cəzalandırıb.

Futbolmedia.az xəbər verir ki, bu barədə goal.com məlumat yayıb. Turin təmsilçisinin belə addım atmasına səbəb 22 yaşlı forvardın matçlardan birinə gecikməsidir. Ona görə də futbolçu komandadan uzaqlaşdırılıb. Kinin hücum xəttində yerini gənc futbolçu Matias Soule tutub.

Bildirilir ki, İtaliya klubu “Everton”dan gələn ilin yayına qədər icarəyə götürülən Kini vaxtından əvvəl klubuna qaytarmaq istəyirdi. Lakin onun mövsüm öncəsi yoxlama görüşlərində yaxşı oynaması "Yuventus"u fikrindən daşındırıb.

Qeyd edək ki, Kin 2011-2019-cu illərdə də "Yuventus"un formasını geyinib. O, 2019-cu ildə “Everton”a keçib və bir mövsümdən sonra Fransa PSJ-si tərəfindən icarəyə götürülüb. İtaliyalı futbolçu ötən il satın ala bilmək hüququ ilə "Yuventus"a 2 illik icarəyə verilib.