"Milan" "Brügge"dən Şarl de Ketelareni transfer edib.

Futbolmedia.az klubun saytına istinadən xəbər verir ki, 21 yaşlı hücumçu ilə 5 illik müqavilə imzalanıb. Belçikalı oyunçu yeni klubunda 90 nömrəli forma ilə çıxış edəcək.

İtaliya mətbuatı bu transfer üçün "Milan"ın 32 milyon avro təzminat ödədiyini yazıb.

Qeyd edək ki, de Ketelare ötən mövsüm Belçika təmsilçisində meydana çıxdığı 49 matçda 18 qol vurub, 10 qolun ötürməsini verib.