Belçika Futbol Federasiyasının rəhbəri Peter Bossart millinin baş məşqçisi Roberto Martinesin yığmadakı gələcəyindən danışıb.

Futbolmedia.az "Sporza"ya istinadən xəbər verir ki, o, 47 yaşlı mütəxəssisi istefaya göndərməyəcəklərini bildirib:

“Sabah payızdakı oyunlara hazırlaşmağa başlayacağıq. Roberto Martines yanımızdadır. Rəsmi açıqlama olmayacaq, amma məşqçilər heyətini dəyişdirmək üçün heç bir səbəb yoxdur. Mənim də Martinesin istefa verəcəyinə dair hissim yoxdur. Ayrı qiymətləndirmə olmayacaq, çünki hər hansı yaxşı işləyən şirkət kimi təşkilatımız da davamlı qiymətləndirmə mədəniyyətinə sahibdir".

Qeyd edək ki, Belçika millisi Avro-2020-nin 1/4 finalında İtaliyaya 1:2 hesabı ilə uduzaraq turnirdə mübarizəni dayandırıb.

Xatırladaq ki, Martines 2016-cı ildən Belçika millisini çalışdırır. Onun yığma ilə müqaviləsi DÇ-2022-nin sonuna qədər etibarlıdır.