Ukrayna millisinin üzvü Aleksandr Zinçenko Avro-2020-nin 1/8 finalında İsveçə qalib gələrək 1/4 finala yüksəlmələrindən danışıb.

Futbolmedia.az xəbər verir ki, "Mançester Siti"nin müdafiəçisi UEFA-nın rəsmi saytına açıqlamasında deyib: "Bu, tarixi bir nailiyyətdir. Hər kəsə sevinməyi məsləhət görürəm. Bunu bir dəfə yaşayırıq və belə anlar daha olmaya bilər.

İlk üç oyun ərzində komanda çox tənqid olundu. Xüsusən də mənim üzərimdə təzyiq var idi. Komandaya daha çox şey verə biləcəyimi hiss edirdim. Fəxr edirəm ki, bu gün bütün ölkəyə və Avropaya hədəflərimizə çata biləcəyimizi sübut etdik".