“Qarabağ”ın Türkiyə birinci liqa təmsilçisi “Ankaragücü”də icarə qaydasında çıxış edən futbolçusu Ovusu Kvabena üçün mövsüm başa çatıb.

Futbolmedia.az xəbər verir ki, bu haqda Türkiyə mətbuatı məlumat yayıb. Ankara təmsilçisinin rəsmisi Emre Yıldızın sözlərinə görə, 25 yaşlı oyunçu bugünlərdə xəstəxanaya yerləşdirilib və 2 gün orada qalıb. Qanalı futbolçunun liqanın qarşıdakı “Boluspor” və “Keçiörengücü” ilə görüşü buraxacağı bildirilib.

Qeyd edək ki, Ovusu “Ankaragücü” ilə bu mövsüm 23 oyunda iştirak edib, 10 qol vurub və 4 qolun ötürməsini edib. Onun bu yay icarə müddəti bitdikdən sonra “Qarabağ”a qayıdacağı gözlənilir.