Çempionlar Liqasının 1/8 final mərhələsinin cavab oyununda "Real"a 1:3 hesablı məğlubiyyət PSJ-nin futbolçuları arasında fikir ayrılığına səbəb olub.

Futbolmedia.az "Marca"ya istinadən xəbər verir ki, matçdan sonra Paris təmsilçisinin paltardəyişmə otağında hücumçu Neymarla qapıçı Canluici Donnarumma arasında münaqişə yaranıb və bu, əlbəyaxa davaya çevrilməyə yaxın olub.

Bildirilib ki, Neymar buraxılan ilk qol epizodundakı səhvə görə qapıçını qınayıb. Donnarumma isə "Real"ın ikinci qolu zamanı Neymarı uğursuz oyununa görə tənqid edib. Müzakirənin davaya çevrilməsinin qarşısını PSJ-nin digər oyunçuları alıblar. Onlar Neymarla Donnarummanı ayırmalı olublar.

Xatırladaq ki, "Real" PSJ-ni ümumi hesabda 3:2 hesabı ilə məğlub edərək Çempionlar Liqasının 1/4 finalına yüksəlib.