“Neftçi” baş məşqçisi Samir Abasovun rəhbərliyi altında 25-ci qələbəsini qazanıb.

Futbolmedia.az Peşəkar Futbol Liqasının rəsmi saytına istinadən xəbər verir ki, bu, Azərbaycan Premyer Liqasının XVII turuna təsadüf edib. "Ağ-qaralar" səfərdə “Sabah”ı 1:0 hesabı ilə məğlubiyyətə uğradıb.

44 yaşlı mütəxəssisin rəhbərliyi altında 48-ci matçına çıxan “ağ-qaralar” 25 dəfə qalib gəldiyi müddətdə 11 heç-heçə edib və 12 dəfə uduzub.

2020-ci ilin noyabrında “Neftçi”nin baş məşqçisi kimi debüt edən Abasovun yetirmələri Premyer Liqada 22, kubokda 1, avrokuboklarda 2 dəfə qalib gəlib.