İngiltərə millisinin sabiq kapitanı, hazırda “Derbi Kaunti”yə baş məşqçilik edən Ueyn Runi gələcəkdə keçmiş klubu “Mançester Yunayted”i çalışdırmaq istəyib-istəmədiyi ilə bağlı suallara cavab verib.

Futbolmedia.az xəbər verir ki, 36 yaşlı mütəxəssis “Sky Sports”a açıqlamasında “qırmızı şeytanlar”a baş məşqçilik etməyi arzuladığını deyib:

“Əlbəttə ki, bunu istəyirəm. Hazırda bütün diqqətimi “Derbi Kaunti”yə yönəltmişəm. “Mançester Yunayted”i sevirəm. “Everton” da mənə yaxın olan klubdur. Ümid edirəm ki, gələcəkdə bu klublardan birini çalışdıra biləcəyəm.

Qeyd edək ki, “Derbi Kaunti” hazırda Çempionşipin turnir cədvəlində 18 xalla 23-cüdür.