Azərbaycan millisinin futbolçusu Mahir Emreli "Legiya"nın bugünkü məşqində iştirak etməyib.

Futbolmedia.az yerli mətbuata istinadən xəbər verir ki, 24 yaşlı forvardla yanaşı, braziliyalı yarımmüdafiəçi Lukinyas da hazırlıq prosesinə qatılmayıb.

Hər iki oyunçunun azarkeşlərin hücumu nəticəsində xəsarət aldıqları üçün məşqə çıxmadıqları ehtimal olunur.

Qeyd edək ki, "Legiya" fanatları komandalarının Plotsk "Visla"sına 0:1 hesabı ilə uduzduğu Ekstraklasanın XVIII tur oyunundan sonra Varşava təmsilçisinin futbolçularına hücum edib.