Argentina millisinin kapitanı Lionel Messi DÇ-2022-nin seçmə mərhələsində Braziliya millisi ilə heç-heçə etdikləri görüş (0:0) barədə danışıb.

Futbolmedia.az xəbər verir ki, 33 yaşlı hücumçu yığmanın rəsmi Tvitter səhifəsinə açıqlamasında deyib:

“Biz əvvəldən qələbə üçün oynadıq. Yaxşı futbol nümayiş etdirməyə çalışdıq, amma bəzən bu, alınmırdı. Əsas odur ki, uduzmadıq. Bilirdik ki, qapalı oyun, çətin matç olacaq. Oyun son dərəcə gərgin keçdi, amma yaxşıyam. Əks halda meydana daxil olmazdım. Uzun müddət oynamadım və matçın tələb olunan ritmini saxlamaq asan olmadı”.

Qeyd edək ki, Argentina millisi bu matçdan sonra DÇ-2022-nin finalına vəsiqəni təmin edib.