“Transfermarkt” portalında İspaniya La Liqasının bəzi futbolçularının bazar qiymətləri yenilənib.

Futbolmedia.az xarici KİV-ə istinadən xəbər verir ki, “Real”ın hücumçusu Vinisius Junior da qiyməti ən çox ucuzlaşan futbolçular sırasında yer alıb. Onun dəyəri 140 milyon avrodan 130 milyon avroya enib.

Beləliklə, Vinisiusun bazar qiymətində ardıcıl ucuzlaşma davam edir. Futbolçunun ən yüksək göstəricisi 2024-2025-ci illərdə qeydə alınıb. Həmin vaxt onun qiyməti 200 milyon avro olub.

26 yaşlı oyunçunun bazar qiyməti əvvəlcə 170, daha sonra 150 və 140 milyon avroya düşüb. Son yenilənmədən sonra isə bu rəqəm 130 milyon avro təşkil edir.