“Sanderlend”in hücumçusu Brayan Brobbi “Yuventus”un hədəfindədir.

Futbolmedia.az xarici KİV-ə istinadən xəbər verir ki, Turin klubu 24 yaşlı futbolçunu heyətinə qatmaqda maraqlıdır.

Daha əvvəl “Mançester Yunayted”in də niderlandlı forvardı transfer etmək istədiyi bildirilib.

Brobbinin “Sanderlend”lə müqaviləsinin müddəti 2029-cu ilin iyununun sonuna qədər qüvvədədir. O, Premyer Liqada bu mövsüm 5 oyunda 3 qol vurub.