Bu gün DÇ-2022-nin seçmə mərhələsində 9-cu tura start veriləcək.

Futbolmedia.az xəbər verri ki, ilk oyun günündə 4 qrupda 10 qarşılaşma keçiriləcək.

Millimiz A qrupundakı sonuncu matçında Lüksemburqu qəbul edəcək. Qrupun digər görüşündə isə Portuqaliya İrlandiyanın qonağı olacaq. Bu qrupda yer alan Serbiya yığması isə Qətərlə yoldaşlıq görüşündə qarşılaşacaq.

B qrupunun lideri İsveç Gürcüstanla, İspaniya isə Yunanıstanla üz-üzə gələcək. İsveç qələbə qazansa, final mərhələsinə vəsiqəni vaxtından əvvəl təmin edə bilər. Bunun üçün İspaniya Yunanıstan səfərində xal itirməlidir.

H qrupundakı Rusiya da DÇ-2022-də iştirakı rəsmiləşdirə bilər. Valeri Karpinin baş məşqçi olduğu komanda bundan ötrü evdə Kipri məğlub etməli və Xorvatiyanın Malta səfərində büdrəməsini gözləməlidir.

Bu gün meydana çıxacaq komandalardan hələlik J qrupunda Almaniya millisi mundiala vəsiqə qazanıb.

DÇ-2022, seçmə mərhələ
9-cu tur
11 noyabr

A qrupu

21:00. Azərbaycan - Lüksemburq

23:45. İrlandiya - Portuqaliya