“Komo” 20 yaşlı vingeri Assane Diaonun müqaviləsinin müddətini uzatmaq niyyətindədir.

Futbolmedia.az xarici KİV-ə istinadən xəbər verir ki, klub seneqallı futbolçuya müddəti 2031-ci ilin yayına qədər qüvvədə olacaq yeni müqavilə təklif edəcək.

“Komo” yay transfer dönəmində Diao üçün İngiltərə Premyer Liqası klublarından gələn 40 milyon avroluq təklifi rədd edib. İtaliya klublarının təklifləri də A Seriyası təmsilçisi tərəfindən qəbul olunmayıb.

Diao cari mövsümdə “Komo”nun heyətində 3 çempionat matçında iştirak edib, 2 qol vurub və 1 məhsuldar ötürmə verib. Onun “Komo” ilə hazırkı müqaviləsinin müddəti 2029-cu ilin iyununun sonuna qədər nəzərdə tutulub.