“Arsenal”dan “Barselona”ya keçidi gündəmdə olan braziliyalı hücumçu Qabriel Jesus dizinin hazırkı vəziyyəti barədə danışıb.

Futbolmedia.az xəbər verir ki, 29 yaşlı futbolçu AS-a açıqlamasında özünü yaxşı hiss etdiyini bildirib:

“Mən çox xoşbəxtəm. Dizimə gəlincə, əla vəziyyətdədir. Kuboklar qazanmaq niyyətindəyəm”.

Jesus uzun müddət çarpaz bağ zədəsi səbəbindən yaşıl meydanlardan uzaq qalmışdı. O, 2022-ci ilin yayından “Arsenal”da çıxış edir. Onun London klubu ilə müqaviləsinin müddəti 2027-ci ilin iyununun sonuna qədərdir. “Transfermarkt” portalı Jesusun dəyərini 17 milyon avro qiymətləndirir.

Xəbərdə adı keçən hər iki komanda “Sabah”ın UEFA Çempionlar Liqasının əsas mərhələsində rəqibləridir.