“Arsenal”ın baş məşqçisi Mikel Arteta yeni mövsümdə hücumçu Qabriel Jesusdan yaxşı oyun gözləyir.

Futbolmedia.az xəbər verir ki, ispaniyalı çalışdırıcı mətbuat konfransında Jesusun yeni mövsümdə ciddi nailiyyətlər əldə etmək niyyətində olduğunu bildirib:

“Görünür, Jesus yeni mövsümdə ciddi nailiyyətlər əldə etmək niyyətindədir. Sizi sevən və sizi daha yaxşı etmək üçün çox şey edən insanlarla əhatə olunduğunuz zaman bu, nəticə verir”.

Braziliyalı forvard “Arsenal”a “Mançester Siti”dən keçib.

27 yaşlı futbolçu ötən mövsüm İngiltərə Premyer Liqasında 4 qol vurub, 5 məhsuldar ötürmə edib.