Azərbaycan millisinin futbolçusu Mahir Emreli Polşa təmsilçisi “Rakuv”un heyətində növbəti qolunu vurub.

Futbolmedia.az xəbər verir ki, 29 yaşlı hücumçu bu gün UEFA Konfrans Liqasının pley-off mərhələsinin “Hayduk”la (Xorvatiya) səfər matçında fərqlənib.

Mahir start heyətdə meydana çıxıb və sonadək oynayıb. Emreli 27-ci dəqiqədə komandasının bərabərlik qolunu vurub. Görüş 2:2 hesab ilə yekunlaşıb.

Qeyd edək ki, bu, Emrelinin "Rakuv"un heyətində Konfrans Liqasında 2-ci, ümumən isə 3-cü qoludur.

Konfrans Liqası, pley-off mərhələsi, ilk oyunlar

"Hayduk" (Xorvatiya) - "Rakuv" (Polşa) -2:2

Qollar: Seqo, 21, De Almeyda, 48 - Emreli, 27, Diabi-Fadiqa, 90+5

Qırmızı vərəqə: Pajaziti, 55 ("Hayduk")