“Arsenal” “Aston Villa”nın və İngiltərə millisinin müdafiəçisi Ezri Konsanın transferi üçün razılaşmaya yaxındır.

Futbolmedia.az xəbər verir ki, bu barədə “The Athletic” məlumat yayıb.

28 yaşlı futbolçu Vilyam Saliba və Yurien Timberin zədələnməsindən sonra London klubunun əsas transfer hədəfinə çevrilib. Konsanın əsas üstünlüklərindən biri müdafiənin həm mərkəzində, həm də sağ cinahında oynaya bilməsidir.

Klublar arasında danışıqlar artıq irəliləmiş mərhələdədir. Tərəflər futbolçunun transfer qiymətləndirməsindəki fərqi aradan qaldırmağa çalışırlar.

Konsa dünya çempionatından sonra aldığı əlavə istirahətin ardından bazar ertəsi “Aston Villa”nın düşərgəsinə qayıdıb.

Konsa ötən mövsüm “Aston Villa”nın heyətində 48 oyuna çıxıb. Komanda onun iştirakı ilə Avropa Liqasının qalibi olub və Premyer Liqada 4-cü yeri tutub.