“Bavariya” klubu səhmlərinin 5 faizini Almaniyanın “Viessmann” şirkətinə satmağa hazırlaşır.

Futbolmedia.az xəbər verir ki, bu barədə “Sport1” məlumat yayıb. Bildirilir ki, istilik və soyutma sistemləri istehsal edən şirkətlə mümkün anlaşma “Bavariya”ya təxminən 250 milyon avro gəlir gətirə bilər.

Tərəflər hələlik sövdələşməni rəsmi şəkildə açıqlamayıblar.

Razılaşma baş tutarsa, “Viessmann” “Bavariya”nın əsas səhmdarları sırasına daxil olacaq. Hazırda “Allianz”, “Adidas” və “Audi” şirkətlərinin hər biri klubun 8,33 faiz səhminə sahibdir.

Qeyd edək ki, “Viessmann” və “Bavariya” bu ilin fevralında əməkdaşlıq müqaviləsini vaxtından əvvəl 2029-cu ilə qədər uzadıblar. Tərəflər həmçinin “Allianz Arena”nın enerji səmərəliliyinin artırılması üzrə birgə layihə həyata keçirirlər.