“Çelsi”nin vingeri Mixail Mudrik uzun fasilədən sonra komandanın məşqlərinə qayıtmasından danışıb.

Ukraynalı futbolçu antidopinq işi ilə bağlı araşdırmanın başa çatmasından sonra bu yay yenidən çıxış edə bilər. O, 2024-cü ilin dekabrından etibarən yaşıl meydanlardan kənarda idi.

Futbolmedia.az xarici KİV-ə istinadən xəbər verir ki, 25 yaşlı futbolçu uzun müddət meydanlardan kənarda qalsa da, məşqləri dayandırmadığını bildirib:

“Deyərdim ki, bu 18 ay mənim üçün mövsümöncəsi hazırlıq kimi keçdi. Bütün bu müddət ərzində məşq etdim, özü də çox ciddi şəkildə. Təslim olmadım və bacardığım qədər çox çalışmağa davam etdim. Həftədə altı gün məşq edirdim. Tam bərpaya, yuxu rejiminə, qidalanmaya – hər şeyə diqqət yetirirdim. Hər şey əvvəlki kimi idi, sadəcə gündə iki məşq edirdim.

Məqsədim geri qayıtmaq və yenidən özümü futbol dünyasına göstərmək idi. Bu, mənim missiyam idi və bunun üçün nə etməli olduğumu bilirdim. Yalnız əzmkarlıq və ağır zəhmətlə nəyəsə nail olmaq mümkündür”.

Mudrik “Çelsi”nin Avstraliya və Asiyada keçirdiyi mövsümöncəsi hazırlıq turuna qoşulub. O, Honkonqda “Yuventus”a qarşı keçirilən yoxlama oyununda sonradan meydana çıxıb.