“Sevilya” Şotlandiya millisinin aşağı yaş qruplarında çıxış etmiş hücumçu Robbi Yuru heyətinə qatıb.

Futbolmedia.az xarici KİV-ə istinadən xəbər verir ki, 22 yaşlı futbolçu İsveçin “Sirius” klubundan İspaniya komandasına keçib və müddəti 2031-ci ilin yayına qədər olan müqavilə imzalayıb. Transferin əsas məbləği 6,5 milyon avro təşkil edib. Bonuslarla birlikdə bu rəqəm 8,5 milyon avroya qədər yüksələ bilər.

Robbi Yur cari mövsümdə İsveç çempionatının ən məhsuldar futbolçusudur. O, “Sirius”un heyətində 15 oyunda 15 qol vurub və 2 məhsuldar ötürmə verib. Hücumçu ötən mövsüm də “Sirius”un aparıcı futbolçularından biri olub və 35 matçda 16 qol vurub. O, karyerasının əvvəlində “Reyncers”in akademiyasında yetişib, daha sonra Belçikanın “Anderlext” klubunda çıxış edib. İsveçdəki məhsuldar oyunu isə onun Avropanın bir sıra klublarının diqqətini cəlb etməsinə səbəb olub.